هو أنا ليه ضد الشرطة .. ؟ !!
ليه أنا كل ما أسمع كلمة مصالحة مع جهاز الشرطة جسمي بيقشعر .. ؟ !!
ليه أما سمعت خطيب الجمعة بيتكلم ويقول لازم نعفوا عن هذه التجاوزات ويقصد
تجاوزات جهاز الشرطة . حتى يعفوا الله عنّا . كنت عايز
يا إمّا أقوم أرد عليه وسط الخطبة . يا أسيب المسجد وامشي .. ؟ !!
ليه أما كنّا بنجهز للحفلة الاتنين اللـ معايا قالوا عايزين نجيب مدير الأمن . أنا قولت لو هو جه أنا مش جاي .. ؟ !!
أنا مش عارف ليه .. !!
بس مش علشان ليه تجربة خاصّة معاهم زي ماقال صاحبي ~ !
يمكن علشان عندي عقدة خاصّة منهم .. ؟
اه ممكن . بس دي ماجتليش من فرآغ ..
يعني إيه كل تدوينة كنت بكتلها هنا كنت بتوقع بعدها يحصلي أي حاجة .. !!
يعني إيه أبات 12 ساعة ع بلاد من غير أكل ولا أهلي يعرفوا أنا فين بسبب كم ورقة علقتهم .. ؟ !! عيد ميلاد البندر ..
يعني إيه أروح المدرسة فـ يوم ألاقي كل مدرس يعرفني يقوللي اتهد شوية الأمن بيدور عليك .. ؟ !!
يعني إيه 3 فـ سنّي وأصغر منّي يعتقلوا فـ ليلة العيد الكبير .. ؟ !!
يعني إيه يبوظروا فرحة العيد عليهم وع أهاليهم ... ؟ !!
يعني إيه يقضوا يوم العيد فـ الزنزانة .. عملوا إيه .. ؟ !!
شوفوا الفيديو من هنا
بعني إيه أكثر من 200 شخص يعتقلوا من ميدان التحرير ويطلع سفسئين أمهم
وماحدش يعرف عنّهم حاجة .. ؟ !!
منهم الـ 5 نشطاء أنس حسن وعبدالرحمن فارس ومحمد الجبّة وأحمد جمعة ومش فاكر
الخامس . يقيدوا ويقعدوا قعدة 9 استعد ويتعذبوا ويتكهربوا علشان يقعدوا مع عمر
سليمان .. ؟ !!
وغيرهم كتير . محمد الجندي المعقتل حاليا بسجن طرة واللـ اعتقل أسبوع أيام الثورة
واتعذب .. !!
واتاخد منه فلوسه
واقرأوا التدوينة دي كمان
الفرق بين تحت الغطاء وخارجه :: على السرير >>
عايز أقولكم بئا إن اللـ أنا ثردته دا كله . ولا ليه أي لازمة .. !!
قرأت كم تدوينة لصديق لي حكى فيها عن تجربته الشخصية مع مقر أمن الدولة
الرئيسي " عاصمة جهنّم " وأود أن تشاركوني قراءته
دا طبعا غير اللـ حصل أيام ثورة 25 الدور الذي لا ينكره أحد ..
- قتل أكثر من 500 شخص
- جرح أكثر من 3000 آلاف شخص .
- إثارة الرعب والفزع بين المواطنين .
- خنق المواطنين بغاز الأعصاب أيام الغضب .
ثردت هذه الأشياء للخطيب بعد الصلاة أما جموع المصلين معترضا على وصفها
بالتجاوزات . فالتجاوزات تعد وتحصى وتغتفر .
فهل جرائم الشرطة تعد تجاوزات .. ؟ !!
ببساطة .. أنا ضد التصالح مع جهاز الشرطة قبل محاكمة كل الضباط المجرمين ..
شاهد أيضا ..
الغضب من التعذيب وانتهاكات الشرطة أحد أسباب الثورة
مهاجمة قوات الأمن للمتظاهرين في جمعة الغضب
مقطع فيديو يوضح وحشيه الامن المصري في جمعة الغضب
من ثورة الصمت إلى جمعة الغضب
وأخيرا . أرجو أن نضع صور الشهداء نصب أعيننا
حتى لا نتخذ إجراء نندم عليه فيمآ بعد
اللـ شاف إن كلامي في جزء من الصح . يقولي
علشان أنا كتبت التدوينة دي وأنا متصور إن كل الناس دلوقت عايزة تتصالح
مع الشرطة علشان يعيشوا فـ أمان وإن كلامي ده مش وقته خالص ..
المشاركات
1 Comments:
انا مش مع التصالح مع الشرطــة حبــاُ فيهم ولا حتى عشااان الاستقرار والأفلام دى ..
انا بقــول تصــالح ليه .. لأنك كدا كدا عايزهم عشان البلد تبقى منظومة كاملة حتى لو استغنينا عنهم دلوقتى فهيجوا بعديــن ..
التصالح اللـ أقصده مش أن حد بقاله 30 سنة متربى أنه يدينى على قفايا وأنا أصالحه وكأنى بقوله هااات كمــآآن .. !!
التصــالح عشان تحقق مرادفته يعنى تغيــر القيادااات الفااااسدة فيها وتتحاااكم ..
وتعيد هيكلة الشرطة فى أقرب وقت وبالتدريج .. واللـ متخرجين من الشرطة ميتعلموش غير انهم فى خدمــة الشعب مش يطلعووا عيــن الشعب ..
تمــآآم جــدا كلاااامك ولو انهم هيفضلوا بردو مش عاجبينك :P
إرسال تعليق
عندك تمرّد .. ؟