أنا هثرد الحاجات اللـ حرقت دمي من الجيش بداية فض الاعتصام ليلة 26 مرورا
بمحاكمة عمرو البحيري واعتقال عمرو عصام وختاما الكشف الجماعي عن عذرية
البنات وفض اعتصام طلبة إعلام القاهرة .
حصل وإن يوم الجمعة بلليل الشرطة العسكرية بنت عم أمن الدولة فضت اعتصام الـ
2000 شاب اللـ فـ التحرير بعصيان الكهربا وبالشلاليت والضرب دون تفرقة بين ولد
أو بنت ~ !
بعد كدة ظهرت قضية عمرو البحيري ومش حتكلم عنها كتير - لأن دمّي محروق لوحده أسآسا
عمرو البحيري اللـ كان موجود يوم الاعتصام ووقت ماشادي غزال اعتقل هو اعتقل معاه وشادي طلع وعمرو ماطلعش وتلفقله قضية
حيازة سلاح ~ !
عمرو البحيري اللـ انضرب واتبهدل واتعذب من الشرطة العسكرية ~ !
عمرو البحيري اللـ اتحكم عليه بـ 5 سنيييييييييييين ~ !
دا بيساطة موضوع عمرو البحيري
ماخلصناش من موضوع عمرو - دخلنا فـ موضوع رآمي عصام
عارفين الأول مين هو رامي عصام ؟؟
رامي عصام الفنان اللـ كان بيلحن الهتافات فـ التحرير وكان بيغنّيها وتقريبا كان ماسك
عود أو جيتار مش فاكر وكان بغنيها تقريبا
فـ الإذاعة بتاع الائتلاف شوفوه فـ الفيديو هنا
وتفاصيل أكتر عن رامي عصام ومحمد طارق وعلي صبحي خالد أبو النجا كاتب عنهم
المصيبة اللـ تفقعهم بئا - المرارة -
ونقلت المنظمات عن شهادات المحتجزين، وبينهم فتيات، أن ضباطا يرتدون «بالطو»
أبيض فوق الزي العسكري للقوات المسلحة، جردوهم من ملابسهم تماما، وأجروا
«كشف عذرية» للفتيات في السجن الحربي، وأضافت المنظمات، أن «ضابطا بالجيش
حضر الفحص إضافة لسجانة، كما تم إجبار النساء على الوقوف عاريات تماما، في
وقت واحد ومكان واحد، في عنبر الحجز، وتم التفتيش وباب العنبر مفتوح».
الخبر بالتفصيل فـ المصري اليوم هنا
دا كله كوم بئا
وفض اعتصام طلبة كلية إعلام دا كوم تاني وقبل مانتكلم برده اقرأ الخبر بالتفصيل فـ
الدستور الأصلي من هنا
طلبة كلية إعلام معتصمين لإقالة البيه العميد بتاع كليتهم - سامي عبد العزيز - وللـ مايعرفش سامي عبد العزيز كان مسئول الدعاية
لقيادات الحزب الوطني غير إنه كان بيشتم فينا أيام التحرير .
فـ الحوار التالي - رنا الجميعي طالبة كلية الإعلام قسم إذاعة وتلفزيون بتبين شوية
حاجات
خاص بـ مدونة متمرّد
رنا - انتي كطالبة فـ كلية إعلام .. ليه معتصمين ؟
فازاى يبقى مطلب فئوى دا غير ان الثورة لم تعنى فقط اسقاط الرئيس ولكن اسقاط كل
ذيول النظام ومن باركوا هذا النظام الفاسد
إذن قانون تجريم الإضرابات والاعتصامات الجديد لاينطبق عليكم ؟
معرفش الجيش او رئاسة الوزراء شايفاه ازاى بس انا مش شايفاه ان اعتصامنا من
ضمن هذه الاعتصامات المجرمة
فاعتصامنا لا يعطل العمل
يعني تفسروا فض الاعتصام بالقوة انبارح بإيه - وايه كان رد فعلكم كطلبة ؟
عايز أوضح حاجة
عبد العزيز بيه انبارح مع يسري فودة ع أون تي في قال لبلال فضل كلمة حارقة دمّي
أوي
قاله : انت مش طالب فـ إعلام أو أستاذ - ماتتدخلش
لآ ياعبد عزيز بيه
وحياة أمّك كلية إعلام دي بتخرجلنا الناس اللـ بيكونلونا الرأي العام فـ بلدنا
يعني بتخرجلنا الناس اللـ بتشتغل فـ أهم سلاح فـ الدولة - ومش محتاج أبرهن كلامي
لأن اللـ حصل أيام الثورة من تضليل من قبل
التلفزيون المصري يكفي .
زي ما ماقبلناش باستمرار الوساخة اللـ فـ البلد وطالبنا بسقوط النظام وتطهير البلد
هنطالب بتطهير الإعلام اللـ ملك لينا كلنا وأول خطوة لتطهير الإعلام هو إنك تغور فـ
60 أوجلة .
أنا أعلن دعمي المعنوي لطلبة إعلام لحين لحين انضمامي ليهم فـ الاعتصام أو لحين
إسقاط عب عزيز .
أطالب بتحويل قضية كلية الإعلام لقضية رأي عام
صحفيون وإعلاميون يطالبون بمحاسبة المتسببين في أحداث كلية الإعلام
فيديو عن الانتخابات فيه سامي عبد العزيز مع ريم ماجد
هاش تاجات خاصة باعتصام طلبة إعلام
دلوقت بئا ..
إيه الفرق بين الشرطة العسكرية وأمن الدولة .. ؟
أطالب بالكشف عن عذرية الشرطة العسكرية ~ !
المشاركات
0 Comments:
إرسال تعليق
عندك تمرّد .. ؟