أنا النهارده صحيت لقيت نفسي معكنن متعكنن في حاجات المفروض أروحها ومش هروحها في حاجات لازم أعملها ومش هتتعمل ورغم إنّي عارف سبب العكننة . إلا إنّي اتغابيت وربطته بإنّ النهارده 4 مايو . براحتي !
 |  |  |  |  |
 |  |  |  |  |
 |  |  |  |  |
وكالعادة المشئومة كنّا نهنئ سادتنا وكبراتنا ببضع كلمات أو أبيات أو حتى سلالات من سلالات كبراء شاعرينا المبجّلين
كنّا نسرق منهم كلماتهم كي نعبّر بها عن شعورنا في هذا اليوم المشئوم الذي فيه ولد واحد كهذا المشئوم !
كنّا نسرق مثلا ونقول :-
سيدي الرئيس
في عيد ميلادك الكام وتمانين
كل سنة وانت طيب
واحنا مش طيبين
كل سنة وانت حاكم
واحنا محكومين
واحنا مظلومين
واحنا متهانين
فبهذه الأبيات القليلة كنت أبدأ تهنئتي للسيد الرئيس من هنا
لكن وبعد ثورة 25 يناير المزعوم أنّها أودت بالرئيس وبنظامه !
ع أي حال دعني أخرج مافي نفسي وأحرّف في سرقتي وأتطاول ع أو النجاجيم وأقول :-
سيدي المخلوعفي عيد ميلادك الكام وتمانينكل سنة وانت مش طيبواحنا طيبينكل سنة وانت مخلوعواحنا برده محكومينكل سنة وانت مسجونواحنا بالحرّية فرحانين
إبده إيده . إيه العفانة دي !
صحيح ظلمك اللـ فـ يوم قالك جرّب تحرّف فـ سرقتك !
والعين ماتعلاش ع الحاجب & وخلينا ماشيين ع عادتنا ونسرق من شاعرنا أحمد فؤاد نجم لكن المرّة دي السرقة مختفة وبتقول :-
سيادة المخلوع . ارجع لنا
مش انت واحد مننا ؟؟
و عمرك في يوم ما سرقتنا
ولا خدت مليم مننا
ما تيجي طب ترجعلنا
تقعد بأهلك وسطنا
أهو مرة تاكل أكلنا
وتلبس يا خويا من لبسنا
وتعيش في حارة او في شارع زينا
قلت ايه ؟؟ يا حارق دمنا
سيادة المخلوع . ارجعلنا
وغداك يا سيدي عندي أنا
رز و بطاطس مسرطنة
لحمة ؟؟. مفيش من سنة
فاكهة ؟؟. تعيش انت و أنا
و الشاي .. بآخر معلقة م السكر اللي كان عندنا
اشرب و فوق وركز بقه .. علشان نكمل حكينا
سيادة الرئيس ... ارجعلنا
مش سبت الحكم .. لأجلنا ؟؟
ما تيجي تسمع حكمنا !!
أفكرك ؟؟ ولا انت فاكر زينا
قطار اتحرق من كام سنة
وغازنا اللي طار من أرضنا ... لعدونا
وعبارة مللي بيغرقوا ..!!
غرقت في عرض البحر و راحوا أهلنا
و الجاني فلسع مننا
ومركبة بأحلى شباب
ييجوا من ايطاليا غرقانين
والقرش ياكل لحمنا
والله كانوا زينا
ويمكن أحسن مننا
لهم بيوت و ولاد و عيشة و حلم .. زي حلمنا
اتغربوا و اتبهدلوا .. لما الفساد طال كل حاجة في أرضنا
واللي ما ماتش .. قاعد في غربته .. والغريب بيذلنا
اقول كمان ؟؟ ولا كفاية ... و اهو انت عارف عننا
أصبر هتسمع حكمنا
سيادة الرئيس ... ارجعلنا
ولو انت واحد مننا
فعلا يهمك أمرنا
بينا ع النائب العام .. تفتن له على ولاد الحرام ... مصوا بلدنا و دمنا
و افتن دي فتنة مش حرام .. ده حقنا
دا لو انت واحد مننا
أصبر هتسمع حكمنا
سيادة الرئيس ... ارجعلنا
اقعد معانا و زينا
هعرفك :-
دي (أم خالد)
أمّنا !
ودول أهل ( سالي )
أهلنا
وعمر بن بنونة
إبننا
فسر و احكي و قوللهم .. و قللنا
واستسمح الروح اللي منورة في الجنة عند ربنا
هتقول مكنش قصدنا ؟؟
دول ماتوا غصب عننا ؟؟
كداب و فاجر .. و اللي يصدقك زيك .. والكدب ريحته منتنة
تتشل إيد اللي ضرب ،، و اللي أمر ،، و عليكوا لعنة ربنا
أصبر هتسمع حكما
أيوه بقول ارجع لنا
ياللي سرقت حلمنا
وغربتنا و نهبتنا ... و في كل حتة أهنتنا
إحنا اللي سال دمنا
في الأربعين و اسكندرية و التحرير يشهدلنا
آدي القفص
أقف هنا
والشعب يحكم . مش أنا
صدقني . هي بينة
من فوق سبع سماوات .. قالها ربنا
العين بالعين والسن بالسن
و هو دا بقه حكمنا
و مفيش غيره عندنا
بس خلاص !
المشاركات
2 Comments:
bravooooooooooooooooooooooooooooooooo
والله احمد فؤاد نجم ده برنس
إرسال تعليق
عندك تمرّد .. ؟